قالوا نعم للدستور

ليس حبا فى الدستور ولا كرها فى الاخوان ولا عشان الدستور فى غمضة عين هيحول المواطن المصرى الى سويسرى ولا حتى عشان الدستور كما يجب ان يكون
ولكن لطوى هذة الصفحة الكئيبة والمملة
ويبقى السؤال ما فائدة الدستور فى دولة ضميرها فى القبور ؟؟
حتى الناس اللى وجعوا دمغنا ليل نهار عن الدستور حتى بتوع لجنة الخمسين نفسهم مع احترامى لهم كلهم
هما نفسهم ما يعرفوش ما فائدة الدستور فى دولة المحسوبية والواسطة اهم فيها من اهم قانون والرشوة فيها زى سلاموا عليكم والكدب فيها شغال ليل نهار والظلم موجود باستمرار قالوا نعم للدستور يمكن نشوفوا بعد العتمة نور يمكن يرجع حقنا المهدور
يمكن الدولة تحس بالمواطن المطحون

قالوا نعم للدستور يمكن العجلة تدور قالوا نعم للدستور لان مفيش حل تانى وسايبقى الدستور كلام على ورق مهما تغنوا به وبأنه دستور العدالة والعدل والحرية والحق قالوا نعم للدستور عشان بكرة
قالوا نعم وانتم عندكم امل برغم كل الاحداث وبرغم الاحباط اللى عند الناس قالوا نعم وخلاص ففى العادة ان الدستور يأتى بعد الدولة أم نحن لا يوجد دولة من الاساس ولو خدعوك وقالوا اننا لدينا مؤسسات

والناس اللى بتقول لا هى برضة مع الاسف مش عارفة هى بتقول لا ليه ؟؟؟
ولا تعرف دستور يعنى اية؟؟
هى كل الحكاية ان البلد اتقسمت وناس لسه بتشجع مرسى مع انه كان افشل من الفشل نفسه
وانا عن نفسى قلت اكتر من مرة ان كل ما فعله المعزول هو تحسين صورة المخلوع وكان يجب على الاخوان ان توزع شربات احتفالا بسقوط مرسى لان مصر اهم من الجماعة واهم من الف مرسى ويكون فى عون اللى هايجى يقعد على الكرسى ويا خوفى لا يحصل مرسى
وياريت اى حد اخوانى محترم يجاوب على سؤال ماذا اضافت الرئاسة لمرسى وللاخوان ؟؟؟من يوم مرسى ما اترشح للرئاسة هو مسخرة الكرة الارضية ولا ننسى الجملة الشهيرة التى اصبحت عالمية الله يخربيتك يامرسى وقد كان وخد معاه الاخوان لدرجة انهم اصبحوا الان فى خبر كان وكل ما يحدث من ارهاب وقلة ادب هو شهادة اعتراف بالفشل والغباء