منووووووووووورين
الجزء الثاني
جنى : يمه سمعتي وش تقول هالخبله اغتصاب وزواج ومدري ايش
ام طاحوس فتحت على سهى الباب سهى انصدمت
سهى : يمه جنى انتم وش جابكم هنا
ام طاحوس : انتي من تكلمين هاه والله ان منيره دايم تقول لي اسمعها تكلم رجال لكني ماصدقتها
سهى وهي تبكي : يمه انا حبيت واحد لكنه ضحك علي
ام طاحوس كف على وجها : ياقليله الحياء ياقليله الادب وين الحياء يافاصخه في وحده تكلم رجال وتطلع معه
سهى : يمه اضربيني اذبحيني لكن الله يخليك لاتعلمين ابوي واخواني جنى الله يخليك
جنى كانت منصدمه : يمه وش نسوي الحين
ام طاحوس : والله مادري ماني قادره افكر
جنى : الله ياخذك ياسهى فضحيتنا الحين وش نسوي
سهى كانت تبكي : يمه وش رايك تكلميه تخليه يتزوجني بس هذي الطريقه الوحيده واذا رفض اذبحيني
ام طاحوس اخذت منها الجوال
دق جوال رائد : يالله هالخبله وش تبي يلا نرد نشوف اخرتها
رائد : الو
ام طاحوس : الله ياخذك ياقليل الحياء ياقليل الادب هالحين اتزوج البنت ولا ترا افضحك قدام خلق الله واقول لابوك وامك
رائد قاطعها : هيه انتي بنتك هي الوسخه الي جت عندي برضاها انا ماغصبتها حنا بس كنا نستهبل عليها وماتوقعنا انها
ام طاحوس قاطعته : الله ياخذك قال استهبال قال هذا استهبال ترضى واحد يسوي باختك كذا اكيد ماترضى اذا ماترضاها على اختك ترضاها على بنات الناس
رائد : لاخواتي متربيات مو مثل بنتك الوسخه قليله الحياء
وسكر الخط
روان سمعت كل شي يالله رائد يضحك على البنات استغفرالله ياويله من الله
طلع رائد وشافها : هيه انتي مو المفروض تروحين للمدرسه
روان : رائد انا كنت بقول لك توديني لكنك كنت مشغول
رائد رفع حاجبه : طيب طيب يلا روحي للسياره
.................................................. .....
في المدرسه الابتدائيه
روان : منيره تعرفين اخوي رائد
منيره : اي اعرفه وش فيه
ابله كوثر : يامنيره وياروان اوقفن
منيره : استاذه ليش وش سوينا
ابله كوثر وهي ماسكه الدفتر وتنقص الدرجات : كل هذا وتسالن وش سويتن
روان : استاذه ساميحنا المسامح كريم
صفرت الحصه ووقت الفسحه
البنات يبن يطلعن لكن ابله كوثر : اذا طلعت انا تطلعن فاهمات
وبعدها طلعت
منيره : غبيه هذي اكرها
روان : استغفرالله الله يهديها
منيره : تشتري لي من المقصف
روان : اوكي وش تبين
منيره : كرسان وعصير وبسكوت ابو نجوم
روان : طيب حتى انا راح اشتري مثلك
منيره : طيب
هدى بنت من سادس تكره منيره دفتها متعمده
منيره : هيه ياخبله خير تدفيني
هدى هذي فرصه انها تثبت لصديقاتها انها قويه : انتي الي خير واقفه هنا ليش في ناس يبون يشترون
منيره : اوقف بالمكان الي ابيه مو شغلك ياغبيه
هدى اضربتها وصارت هوشه الكل يصفق ويغني ويشجع
بنات رابع وثالث وثاني واولى يشجعن هدى
وبنات خامس وسادس يشجعن منيره
كانت منيره تضربها بكل قوتها
لكن هدى كانت اقوى لانها سمينه تجي ابله كوثر وتفرقهن يابنات وش فيكم
يلا روحو للمديره
راحن هدى ومنيره روان توها راجعه من المقصف وتدور منيره سالت بنت من ثالث
روان : لو سمحتي شفتي منيره
جود : انا قاعده ادور اختي نجود اي كانت في هوشه بين بنت بيضاء وشعرها طويل واسود وبنت دبه وشعرها اشقر وقصير مره لين الاذن
روان : يؤؤؤ وين راحن
جود : راحن للمديره
روان : الحمدلله المديره طيبه وماتسوي لهن شي يلا ندور على اختك
جود : صدق يلا ندور
روان : كيف شكلها
جود : مثلي
روان : هي توامك
جود : اي هذي هي
روان شافت بنت شعرها طويل للظهر وبيضاء وعيونها واسعه وزرق وشقراء
روان بقلبها : هذولا فرنسين خخخخ
جود راحت لاختها وشكرت روان لانها دورت معها
روان : لا عادي حنا الحين صديقات
نجود : ياليتك اختي والله انك طيبه
روان : ههه انتي يعني ماعندك خوات
جود : لا حنا كلنا بنات عددنا 7
روان : مشاءالله عندكم اخوان طيب
نجود : واحد ويكرهنا
روان : ليش افا ماسالتيه
جود : انا ماحبه دايم يهاوش بابا وبابا بالكرسي مايقدر يمشي وكلما جاء واحد يخطب وحده يطرده
روان : لاحول ولا قوة الا بالله بس اصبرو يمكن يتوب
نجود : لا هذا مايتوب مايصلي حتى
روان : لا مايصلح تقولين كذا يمكن الله يهديه بس انتي ادعي له ان الله يهديه وانشاءالله يتوب
جود ونجود : انشاءالله
وتعرفن على روان ولقن منيره تبكي هدتها روان وتعرفت منيره على البنات
.............................
في الثانويه مدرسه البنين
طاحوس يرقص في حصه الرياضيات ويغني احلى سنه
عواد وهو خويه القديم : انت معلق على هذي الاغنيه الي يشوفك يقول اول مره يسمعها
المدرس مشعان : ياطاحوس وياعواد عمى تعميكم اطلعو برا يلا
طاحوس : يابو الشباب ليش معصب كذا ترا الدنيا ماتسوى
عواد : يلا يلا ارقص معنا ترا جبت مسجل وشغلو على اغنيه ردولي قلبي
ردولي قلبي ردوه .. ردولي قلبي ردوه
ياللي سرقتو قلبي .. ردولي قلبي ردوه
حسبي عليكم حسبي .. وشلون مني خذتوه
قلبي وماعندي بديله .. عمري وانا في صدري اشيله
فجأه كدا في يوم وليله .. من بين صدري شلتوه
ردولي قلبي ردوه
كنت بحياتي عايش .. مرتاح وبالي مبسوط
والسهم جاني طايش .. صوب بقلبي مضبوط
من يومها مدري اش جرالي .. ياللي انتو مرمرتولي حالي
مالي انا والحب مالي .. من وين ليّه جبتوه
ردولي قلبي ردوه
سهران طول ليلي .. مايجيني نوم هيهات
والشوق منه ويلي .. دوخني سبع دوخات
عاجبكم الحال اللي صاير .. ذا حبكم ظالم وجاير
حنو علي جيبولي خاطر .. واللي تبونه سووه
ردولي قلبي ردوه
الفصل كله رقص وصراخ
المدرس انجن وطلع من الفصل بعد مارقص شوي لانه يحب هذي الاغنيه
وجاب المدير دخل المدير لقى الكل جالس ومافي مسجل والفصل هدوء
المدير : مشاءاالله عاقلين ومؤدبين خوذو كل واحد حلاوة ويوم السبت راح نكرمكم ياحلى فصل المدرس فاتح فمه :توهم يرقصو ويغنو وجايبين مسجل والله والله العظيم
المدير : لا ماتوقع شوف الوجيه البريئه وواحد سنونه مكسره ومسوسه والثاني ثوبه اصفر من الوسخ المدرس : امحق بريئه
طلع المدير وصفرت الحصه وكان في احتفال وكان مشارك بها طاحوس وعواد وهي اسمها مسرحيه روميو وجوليت
عواد لابس باروكه ومنعم صوته وحاط مكياج وكان شكله روعه لانه هو حلو : روميو ساعدني روميو طلعني روميو بابا مايرضى اننا نتزوج
طاحوس كان لابس ملابس روميو وكان شكله روووووعه لانه احلى من عواد :راح اطلعك يابعد تسبدي بس
وكملو المسرحيه
في فصل اولى ثانوي راشد كان مؤدب
واذا راح الاستاذ يستهبل على الطلاب ويجيب عيال ويقول هذا معجب بك
ويوم المسرحيه كان يصور طاحوس وخويه ويضحك لكن الاستاذ مسكه وحبسه في الفصل خخخخخخخخخخ مسكين حتى المقطع مسحه
........................
في الثانوي مدرسه البنات
هرفيله تتمشى مع صديقاتها : اذبحوني المعجبات انا طفشت منهن كانت هرفيله حلوة شعرها قاصته قصه الشلال وهو ناعم مايحتاج تستشورة وعيونها عاديه لكن عدساتها بنيه وكان جسمها رووووعه وحلو
ساره الي هي معجبتها وصديقتها الروح بالروح : اي والله اكيد يعجبن بك انتي روعه
والله تجنني
هرفيله : هههههه شكرا
.........................
في مدرسه المتوسطه بنين
كان سالم مع شلته يدخنون
شافهم المدرس ووداهم للادراه
المدير مشعل : هذا وانت صغير تدخن تربيه شوارع
سالم : هيه انت يالشايب انتبه لكلامك اسوي الي ابيه فاهم ومد له علبه دخان تبي زقارة
عصب منه المدير مشعل ورمى عليه الملف خذ ملفك وروح لاي مدرسه تقبلك ولا عاد اشوفك هنا يلا برا
سالم طلع وماكان مهتم
...........................
في بيت ابو محمد الساعه 11ونص
جودي : يالله واخيرا خلصنا من شغل البيت
ميار : اي والله تعب تعب تعب
دخل عليهم محمد وشاف البيت نظيف : مشاءالله البيت مره نظيف
هيا : اي حنا نظفنا والله تعبنا غريبه ليش جيت للبيت
محمد : يعني ماتبوني
ميار بقلبها اي والله مانبيك
جودي : لا بس غريبه تجي لنا الصبح
محمد : وين الشايب
هيا عصبت :لا تقول عنه كذا محمد حرام عليك ترا اذا كبرت الله يبليك ويسون بك عيالك مثل ماتسوي بابوك
محمد : انتي اسكتي فاهمه
جودي : هيا ميار تعالن ابغاكن في شي ضرورري
محمد : وليش ماتقولين هالشي الضروري هنا
ميار : اسرار ههه
محمد : يلا اقلبن وجيهكن راحن هيا وميار وجودي للمطبخ
جودي : اتصل علي مشعل وقال لي انه يبي يرجعني
ميار بفرح : صدق ياحضك راح تروحين من عيشه الفقر
هيا بحزن : بس زورينا عاد
جودي : اكيد بكره باليل راح ياخذني
ميار : ماراح تقولين لمحمد
جودي : اكيد راح اقول له والحين بعد
هيا : ماتوقع انه راح يوافق
راحن لصاله الي فيها ابو محمد ومحمد
جودي : محمد ابي اقولك لك شي
محمد :وش
وفجأه يطق الباب
جودي : ميار افتحي الباب اكيد خواتك رجعن
ميار : طيب
جود ونجود وساره : اففففففففففففف واخيرا رجعنا
جودي : كويس الكل موجود محمد مشعل يبي يرجعني
محمد: نعم
ابو محمد : زين يابنيتي ارجعي له
الكل فرح ماعدا محمد :لا ماراح ترجعين له
وطلع برا
جودي تبكي : يبه انا ابي ارجع له
ابو محمد : متى راح ياخذك
جودي : باليل
ميار : اتصلي عليه وقولي له ياخذك هالحين
ساره : اي سوي مثل ماقالت لك ميار افضل
.....................................
في بيت ام طاحوس الساعه 2 الظهر
سالم وراشد وطاحوس ومنيره رجعو من المدرسه
ام طاحوس قفلت على سهى الباب وسهى من امس ماكلت شي
ابو طاحوس : يلا وين الغداء
سالم : يبه المدير طردني وعطاني الملف
طاحوس يضحك: احسن
ابو طاحوس : ليش طردك
راشد : اكيد كان يدخن
سالم ضربه : لالالالا مو عشان ادخن
ام طاحوس : سالم يدخن ياعيال جاوبو بالله
انتهى الجزء الثاني
الحين مع فقره (توقع)
توقع وش راح تسوي ام طاحوس وابو طاحوس بسالم ؟
توقع هل راح تبقى سهى على هذا الحال؟
توقع راح ترجع جودي لمشعل بدون مايدري محمد؟
المفضلات